Kërcënim me bombë në aeroportin e Prishtinës

Sot rreth orës 16:00 Policia e Kosovës ka pranuar informata për dyshimet që ndërlidhen me një shpërthim të mundshëm në aeroportin ndërkombëtar “Adem Jashari”.

Zëdhënësja e Policisë për rajonin e Prishtinës, Flora Ahmeti, ka thënë se Policia menjëherë ka dalë në vendin e ngjarjes.

“Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, ka thënë Ahmeti.

Alarm për bombë ka pasur edhe më 22 dhjetor të vitit të kaluar.

---