Kosova
Pas kërcënimit të djeshëm, Kurti thotë që nuk ndjehet i rrezikuar

Të enjten kryeministri Albin Kurti zhvilloi agjendën e tij të paralajmëruar.
Njësoj tha se do të vazhdojë edhe në pjesën tjetër të ditës, pavarësisht se një ditë më parë shtëpia e tij u sigurua nga forca të shumta të sigurisë.
Derisa tha se nuk ndjehet i rrezikuar, Kurti tregoi se kërcënimi është bërë në rrjete sociale.
“Së pari, unë nuk ndjehem i rrezikuar, mirëpo janë organet e sigurisë ato të cilat i vlerësojnë kërcënimet dhe i ndërmarrin veprimet në përputhje me rrethanat e caktuara. Përndryshe, unë as dje, as sot nuk e kam ndryshuar agjendën time”.
Madje, mohoi të ketë pasur informacione.
“Organet e sigurisë janë mekanizma të shtetit që i bëjnë vlerësimet kur ngjajnë kërcënime në rrjete sociale, të cilat unë nuk kam mundësi t’i ndjek. Fizikisht për mua është e pamundshme të merrem me kërcënimet ndaj fizikut tim”, u shpreh Kurti.
Policia e Kosovës ka njoftuar se bazuar në hetimet e deritanishme dhe vlerësimin e rrezikut, njësia e reagimit të shpejtë është larguar nga shtëpia e Kurtit.
Por, përveç shtimit të forcave të mbrojtjes së afërt dhe dy zyrtarëve policorë në shtëpinë e tij, kanë mohuar të ketë pasur angazhim të njësisë speciale.
Kërcënimi ishte bërë në një faqe shitblerjesh nga një person, i cili kishte thënë se do t’i jepte mijëra euro për atë person që do ta vriste kryeministrin.
Të ngjashme
Të tjera nga Kosova
Jeta në Zvicër
-
Nga viti 2026, afro 100 njësi të sapondërtuara do të jepen me qira në Cyrih Agjencia e pasurive të paluajtshme të Cyrihut përdor metoda “perverse” për të vlerësuar pritjet e qirasë...
-
Treni “European Sleeper” ngatërron linjën, përfundoi shumë larg destinacionit
-
Siguruesit shëndetësorë kundërshtojnë tarifat e larta të klinikave
-
Salla të reja operative në Spitalin e Gjenevës
-
Zvicër: Këto janë destinacionet më shpesh të rishikuara nga Google