Lajme
Kërcënohet me thikë ish ministrja federale, Doris Leuthard, dyshohet për dhunë familjare
Pikërisht Doris Leuthard, një politikane, që kishte vite që luftonte dhunën në familje, u bë tani viktimë e këtij akti dhune
Ish-këshilltarja federale dhe nënkryetare aktuale e Bordit të Drejtorëve të Grupit Coop është kërcënuar me thikë në shtëpinë e saj të pushimit, në kantonin Ticino, transmeton albinfo.ch. Kërcënuesi u dërgua në një spital psikiatrik.
Një grua mund të jetë kërcënuar me thikë në shtëpinë e saj në Vairano TI, e cila është pjesë e komunës Gambarogno. Ngjarja ka ndodhur në mëngjesin e së enjtes. Gruaja është ish-këshilltarja federale Doris Leuthard, shkruan portali online tio.ch duke iu referuar burimeve të mirëinformuara. Leuthard tani është anëtare e Bordit të Drejtorëve në Coop dhe Stadler Rail.
Burri mësohet se ka kërcënuar ish-ministren e Transporteve pas një mosmarrëveshjeje mes tyre. Nuk ka asnjë informacion për identitetin e burrit. Mirëpo, bëhet fjalë për dhunë në familje, shkruan Tio.ch.
Sipas shkrimit, ish-ministrja ka bërë thirrje për ndihmë, siç e dëshmojnë fqinjët. Policia kantonale e alarmuar ndërhyri në vendngjarje.
Zyra e prokurorit publik të Ticinos konfirmon se kanë dalë të enjten për shkak të një telefonate urgjente të marrë pak para orës 10:30, transmeton albinfo.ch. Policia kantonale u mbështet nga policia ndërkomunale e qarkut dhe operacioni në një pronë në Vairano përfundoi rreth mesditës. Ishte një emergjencë personale. Për shkak se hetimet janë ende në vazhdim, nuk mund të thuhet më shumë, shprehet zëdhënësi, Giovanni Mariconda.
Autori u arrestua dhe më pas u dërgua në klinikën psikiatrike në Mendrisio TI.
Pikërisht Doris Leuthard, një politikane, që kishte vite që luftonte dhunën në familje, u bë tani viktimë e këtij akti dhune, transmeton albinfo.ch. Si një deputete nacionale e CVP-së nga Aargau, Leuthard ishte përfshirë rreth 20 vjet më parë në ndryshimin e ligjit që e bëri dhunën në familje një vepër që ndiqet zyrtarisht. Kjo do të thotë se dhuna në familje nuk ndiqet më vetëm me kërkesë, por sipas detyrës zyrtare.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
Jeta në Zvicër
-
Në këto aeroporte mbahen greva gjatë prillit dhe majit Grevat nuk janë të rralla në Evropë. Për shkak se punëtorët po luftojnë për kushte më...
-
Vdes ushtari zviceran nga të shtënat, gjatë ushtrimeve në kazermë
-
Dyshimi për mashtrim: Akuzohet për 250 mijë CHF që mori kredi për Covid
-
Zvicër: Thirrje për kujdes për personat që kanë vendosur tashmë goma verore
-
Studim: Mirëqenia në Zvicër është rritur ndjeshëm në 30 vjetët e fundit