Kërkesa për punonjës të pavarur dhe të përkohshëm është në rritje në Zvicër

pixabay

Mes mungesave të vazhdueshme të tregut të punës, kërkesa për punë të pavarura është rritur me 23 për qind midis janarit dhe shkurtit, duke tejkaluar të gjitha llojet e tjera të punësimit, sipas kompanisë së rekrutimit PageGroup, përcjell albinfo.ch.

Sa u përket mundësive të punësimit të përkohshëm, ato janë rritur me 8 për qind gjatë kësaj periudhe.

Arsyeja për këtë prirje është se “rritja e rreziqeve ekonomike dhe gjeopolitike i ka bërë punëdhënësit dhe kandidatët më të kujdesshëm”, sipas Yannick Coulange, drejtor menaxhues i PageGroup Zvicër.

“Kontratat e pavarura dhe të përkohshme të punës shihen si një mënyrë për të ndihmuar në menaxhimin e rreziqeve të biznesit. Si rezultat, ne po shohim një rritje të ndjeshme në shumicën e formave të punës jo të përhershme”.