Shkurt.ch
Këta janë shefat që fitojnë 250 herë më shumë se punëtorët e tyre
Severin Schwann, kryemenaxher i Roche ka fituar 15.65 milionë franga në vitin 2018. Paga më e ulët vjetore në kompaninë e tij ka qenë rreth 60 mijë franga, që tregon një dallim 257 me 1
Pagat e kryemenaxherëve të kompanive të mëdha të Zvicrës në periudhën 2011-2018 janë rritur për 19 për qind. Këtë përfundim e ka nxjerrë Federata e punëmarrësve e Zvicrës, Travail Suisse në studimin e saj të realizuar këtë vit. Në këtë studim janë marrë për bazë të dhënat për pagate e shefave të 26 kompanive më të mëdha zvicerane, shkruan sda.ch.
Sipas po këtij studimi, pagat e të punësuarve “normalë” gjatë kësaj periudhe 7 vjeçare janë rritur mesatarisht vetëm 4.3%, transmeton albinfo.ch. Dhe kjo e ka zgjeruar edhe më shumë jazin në mes të pagave më të ulëta dhe atyre më të larta, në ndërmarrjet përkatëse dhe në ekonominë zvicerane.
Dallimet më të mëdha në mes të pagave maksimale dhe minimale janë konstatuar te ndërmarrjet si Roche (Koncern farmaceutik) dhe banka UBS. Në këto dy kompani, shefat fitojnë mbi 250 fish më shumë se punëtorët me pagat më të ulëta.
Severin Schwann, kryemenaxher i Roche ka fituar 15.65 milionë franga në vitin 2018. Paga më e ulët vjetore në kompaninë e tij ka qenë rreth 60 mijë franga, që tregon një dallim 257 me 1.
Ngjashëm duken krahasimet edhe te ndërmarrjet tjera të mëdha, transmeton albinfo.ch. Kështu, shefi i bankës më të madhe të Zvicrës, UBS, Sergio Ermotti fiton 252 herë më shumë se punëtorët e tij me paga më të ulëta ndërsa Tidjane Thiam, shefi ekzekutiv i bankës Credit Suisse, ka fituar 224 herë më shumë se të punësuarit e tij në fund të listës.
Të ngjashme
Të tjera nga Shkurt.ch
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Shtohet edhe një milioner në Zvicër: Fiton Jackpot-in 2.6 milionë franga Është hera e 85-të që një lojtar me fat fiton Jackpot-in e Zvicrës, sipas një njoftimi...
-
Zvicër: Marsi ishte për 2 gradë më i nxehtë
-
Pritet shumë trafik gjatë fundjavës së Pashkëve
-
Qeveria zvicerane refuzon sërish të nënshkruajë traktatin e armëve bërthamore
-
Zvicër: Tani mashtruesit në internet kanë cak nënat