Lajme
Kjo është ngritja më e vogël e çmimeve të sigurimit shëndetësor prej 20 vjetësh
Vetëm 0.2% më shtrenjt do ta paguajnë zviceranët sigurimin shëndetësor në vitin 2020. Në dhjetë kantone do të ketë madje edhe ulje të çmimit
Premitë e sigurimit shëndetësor në Zvicër, në vitin 2020 do të kenë një ngritje të vogël: vetëm 0.2%. Kjo është ngritja më e vogël e shënuar po u krahasua me një periudhë të gjatë të ngritjeve në vazhdimësi, shkruajnë mediat zvicerane.
Të kujtojmë: Nga viti 1996, ngritja e çmimit të sigurimit shëndetësor për çdo vit ka qenë mesatarisht nga 3.8%.
Sipas Këshillit Federal, rritja e vazhdueshme e kostos së shëndetësisë po ndodh për shkak të rritjes së moshës mesatare të banorëve të vendit në njërën anë dhe për shkak të përparimit të teknikës mjekësore, në anën tjetër.
Kur jemi te ngritja e vogël e çmimeve të sigurimit shëndetësor për sivjet, si zakonisht, edhe kësaj here ka ndryshime në mes të kantoneve, transmeton albinfo.ch. Kështu, në dhjetë kantone në vitin që vjen do të ketë madje edhe ulje të çmimit të premive në fjalë.
Bëhet fjalë për kantonet në vijim: Aargau, Bernë, Baselstadt, Lucern, Schaffhausen, Solothurn, Schwyz, Zug dhe Cyrih, përcjell albinfo.ch. Në këtë mes duket se më së miri do të kalojnë qytetarët e Kantonit të Lucernit, ku zbritja e çmimit të premisë shëndetësore do të jetë 1.5%.
Nga ana tjetër, të siguruarit në kantonet Appenzell Ausserhoden, Graubünden, Neuchatel, Tiçino dhe Valis, në vitin 2020 do të paguajnë së paku 1.5% më shumë se në vitun 2019. Shtrenjtimin më të madh do ta ketë Kantoni Neuchatel, me 2.9%, transmeton albinfo.ch.
Në kantonet tjera, të papërmendura në këtë listë, do të ketë rritje të çmimeve nga 0 deri 1.5%.
Të ngjashme
Të tjera nga Lajme
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
Jeta në Zvicër
-
Trafiku i dendur edhe sot, bllokohen autostradat zvicerane Ngarkesat në komunikacion vazhdojnë edhe të premten në Zvicër gjatë festave të Pashkëve, përcjell albinfo.ch. Bllokimi...
-
‘Vallja kosovare’ jehon në Universitetin e Gjenevës (Video)
-
Iniciativat zvicerane synojnë t’i japin fund diskriminimit të çifteve të martuara
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar