Autotech

Vetura më e veçantë, sportive, që u prezantua në Gjenevë

Në panairin e veturave që po mbahet në Gjenevë prezent është edhe kompania sllovake e veturave, Engler Automotive, e cila është duke prezantuar veturën e saj sportive e të veçantë – Superquad.

Superquad është i punuar me dorë dhe konstrukti i tij përbëhet nga fibra të karbonit, titan, magnez dhe alumin, transmeton Koha.net, përcjell albinfo.ch.

Gjithashtu, Engler Automotive Superquad peshon vetëm 850 kilogramë, ndërsa dimensionet e tij janë: 4.67 metra i gjatë, 1.95 metra i gjerë dhe vetëm 95 cm i lartë.

Sa i përket motorit, Superquad vjen me motor 5.2-litra Twin-Turbo V10 me kapacitet prej 850 kuajfuqi dhe shpejtësinë nga 0 deri në 100 kilometra në orë e arrin për vetëm 2.5 sekonda, ndërsa atë maksimale deri në 350 km/h.