Lajme
Makina që ia këputi gishtat kosovares Agneza T.*
Agneza T. i kishte të dy duart në makinë, kur makina befas filloi të lëvizte. Ajo i zuri duart e Agnezës, duke peshuar mbi to disa tonelata presion!
Ajo që për çdo punëtor të makinave është sinonim i tmerrit, për kosovaren Agneza T. u bë realitet i tmerrshëm. Shqiptarja 29-vjeçe ka humbur disa gishta nga makina me të cilën punonte.
Ka ndodhur të premten e kaluar, pas orës 22. Në kompaninë Lonstroff në Merenschwand AG, duart e një punonjësi janë zënë nga një shtypëse. Drejtori menaxhues i ndërmarrjes, Urs Bahnmüller, i prekur thellësisht, konfirmon aksidentin, shkruan blick.ch.
Sipas hulumtimeve të blick, viktima ishte Agneza T. * (29) nga Muri i Kantonit Aargau, transmeton albinfo.ch. Ajo bënte përpunimin e vulave të vogla prej gome në këtë kompani. Ato vendosen midis shisheve të infuzionit dhe tubave. “Çdo gjë ka shkuar gjithmonë mirë deri tani”, thotë Bahnmüller.
Agneza T. i kishte të dy duart në makinë, kur makina befas filloi të lëvizte. Ajo i zuri duart e Agnezës, duke peshuar mbi to disa tonelata presion! Punëtorja qan me zë të lartë. Menjëherë, punonjësit nxitojnë për ta ndihmuar.
Mbikëqyrësi i ndërrimit madje drejton pirunierët në hapësirën e vogël të mbetur mes makinës dhe duarve të Agneza T.
Pastaj, Agneza, e cila ka humbur disa gishta, është transportuar në spital.
Por, si ka ndodhur aksidenti? “Makina ka masat paraprake më moderne të sigurisë”, shpjegon Bahnmüller, përcjell albinfo.ch. “Mund të aktivizohet vetëm me të dy duart, duke shtypur një buton në të majtë dhe të djathtë në të njëjtën kohë”.
Suva dhe policia tani janë duke zhvilluar hetime rreth kësaj.
Ndërkohë, Agneza T. ndodhet në stacionin e kujdesit intensiv. Ajo është zgjuar nga kllapia, por e tronditur, thotë Bahnmüller.
*Emri është i koduar
Të ngjashme
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor