Kosova
KMDLNj: Pse po dërgohen Njësitë Speciale në veri
Ministri i Mbrojtje së Serbisë, Aleksandar Vulin, përkundër faktit se i është refuzuar leja për hyrje në Kosovë, përsëri ka bërë përpjekje të hyjë në Kosovë.
Forca të Policisë së Kosovës përkatësisht Njësitë Speciale janë nisur në drejtim të veriut për ta penguar hyrjen e ministrit të qeverisë së Serbisë, i njohur për arrogancën e tij verbale, nxitjen e urrejtjes ndërnacionale dhe instrumentalizimin e serbëve të Kosovës, për qëllime politike dhe nevoja të Serbisë, përcjell albinfo.ch.
“Nisja e njësitit special të Policisë së Kosovës në veri të Kosovës për ta arrestuar një provokator të qëllimshëm është vënie në kurth për Policinë e Kosovës dhe vet Kosovën nga ana e Serbisë, për ta paraqitur Kosovën si vend të dhunshëm që i rrezikon serbët”, thuhet në një reagim të Këshillit për mbrojtjen e Lirove dhe të Drejtave të Njeriut.
KMDLNj thotë se Vulin nuk duhet të pengohet të hyjë në Kosovë dhe ndaj tij duhet të veprohet sikur ndaj të gjithëve që e kalojnë ilegalisht kufirin.
“Ai nuk duhet të arrestohet nga Policia Speciale por nga policia e rregullt, që janë në detyrë sikur kur arrestohen kriminelët ordinerë. Dërgimi i njësive speciale të Policisë së Kosovës për arrestimin e një delikuenti kufitar siç përpiqet të bëhet Aleksandar Vulin është pikërisht ajo që e do Beogradi dhe me këtë veprim të pamatur do të jetësohej parashikimi i Vuçiqit se Kosova me forcë do ta pushtojë veriun. Njësitë Speciale duhet të përdoren për luftimin e krimit të organizuar dhe korrupsionit në gjithë territorin e Kosovës. Njësitë Speciale të Policisë së Kosovës nuk duhet të bëhen apo mbesin peng i vendimeve politike të personave të papërgjegjshëm sepse në këtë mënyrë vetëm sa e dëmtojnë Kosovën”, thuhet mes tjerash në reagimin e KMDLNj-së.
Të ngjashme
Të tjera nga Kosova
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën