Kosova
Kosova bëhet me ambasadë në Oslo të Norvegjisë
Kosova ka hapur Ambasadën në Oslo të Norvegjisë.
Ambasadori i parë i Kosovës, Uliks Emra, sot i ka dorëzuar Letrat Kredenciale tek lartmadhëria e tij, Mbreti i Norvegjisë Harald V, duke u akredituar si Ambasador Fuqiplotë e Republikës së Kosovës në Mbretërinë e Norvegjisë.
Ambasadori, duke përcjellë përshëndetjet e Presidentit të Republikës së Kosovës, Hashim Thaçi dhe popullit të Kosovës, falënderoi Lartmadhërinë e tij Mbretin Harald V për kontributin e pakursyer dhe gjithëpërfshirës që Mbretëria e Norvegjisë i ka ofruar vendit gjatë gjithë këtyre viteve.
“Mbretëria e Norvegjisë është njëra ndër vendet e para, e cila e ka njohur Republikën e Kosovës, dhe për këtë populli i Kosovës do të jetë mirënjohës përjetësisht. Relacionet ndërmjet dy vendeve janë të shkëlqyeshme, ndërsa synimi është që ato të thellohen edhe më tej në fusha specifike”.
Nga ana e tij Lartmadhëria e tij, Mbreti Harald, pasi shprehu përshëndetjet e tij të përzemërta për presidentin Thaçi, theksoi se janë shumë të lumtur për vendimin e Republikës se Kosovës për hapje të Ambasadës në Oslo dhe se ky është një moment i veçantë në relacionet ndërmjet dy vendeve. Mbretëria e Norvegjisë do të vazhdojë të përkrahë Kosovën në të gjitha fushat dhe për këtë mund të jeni shumë të sigurt”.
Uliks Emra ka përfunduar Fakultetin Juridik si dhe Masterin në Shkencat Penale në Universitetin e Prishtinës, ndërsa specializimin në Diplomaci në Universitetin e Zagrebit.
Ai është diplomat i karrierës, i cili ka kryer funksione të rëndësishme në institucionet shtetërore dhe në hierarkinë e lartë të MPJ. Ai ka qene zëvendësdrejtor i përgjithshëm, u.d. i Drejtorit të Përgjithshëm, zëvendës ambasador në Kroaci, i ngarkuar me punë në Ambasadën e Kosovës në Kroaci, sekretar në Institutin për Hulumtimin e krimeve të luftës, shkruan klankosova, përcjell albinfo.ch.
Të ngjashme
Të tjera nga Kosova
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma, edhe pse ka shpenzuar paratë e veta Zyra e kompensimit i kishte refuzuar kërkesën, sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf