Kosova në Konferencën Botërore për mjedis

Në këtë Konferencë, Kosova po përfaqësohet nga “Let’s Do It Kosova”, kurse janë mbi 200 pjesëmarrës nga 67 shtete të botës

Në Konferencën Botërore për Mjedis “Clean World Conference 2017 – Connecting Heroes”, që po mbahet në Estoni, po merr pjesë edhe Kosova. Konferenca është e organizuar nga Lëvizja globale “Let’s Do It World”, raporton albinfo.ch.

Në këtë Konferencë, Kosova po përfaqësohet nga “Let’s Do It Kosova”. Pjesëmarrës në këtë konferencë janë mbi 200 pjesëmarrës nga 67 shtete të botës, të cilët për tre ditë do të shkëmbejnë informacione rreth aktiviteteve si dhe do të hartojnë strategjinë për organizimin e ditës së pastrimit të botës, e cila është caktuar më 8 shtator 2018.

Kosova po të përballet me probleme të mëdha të ndotjes së mjedisit, andaj mobilizimi i të gjithë akterëve dhe përfshirja e sa më shumë qytetarëve, do të ndikojë që ky problem të adresohet dhe zgjidhet.

Synimi është mobilizimi i mbi 100 mijë qytetarëve për Ditën e Pastrimit në Kosovë.