Kosova vendos marrëdhëniet diplomatike me Ganën

Marrëveshja diplomatike është nënshkruar në Uashington nga ambasadori e Kosovës, Akan Ismaili dhe ambasadori Ganës në SHBA, Daniel Ohene Agyekum. Republika e Kosovës ka vendosur marrëdhëniet diplomatike me Republikën e Ganës, duke shënuar kështu fillimin e bashkëpunimit ndërmjet Prishtinës dhe Accras zyrtare. Marrëveshja e vendosjes së marrëdhënieve diplomatike është nënshkruar në Uashington nga ambasadori i […]

Marrëveshja diplomatike është nënshkruar në Uashington nga ambasadori e Kosovës, Akan Ismaili dhe ambasadori Ganës në SHBA, Daniel Ohene Agyekum.

Republika e Kosovës ka vendosur marrëdhëniet diplomatike me Republikën e Ganës, duke shënuar kështu fillimin e bashkëpunimit ndërmjet Prishtinës dhe Accras zyrtare. Marrëveshja e vendosjes së marrëdhënieve diplomatike është nënshkruar në Uashington nga ambasadori i Republikës së Kosovës në SHBA, Akan Ismaili dhe Ambasadori i Republikës së Ganës në SHBA, Daniel Ohene Agyekum.

Ceremonia e vendosjes së marrëdhënieve diplomatike, siç thuhet në një njoftim të MPJ-së, është zhvilluar në zyrat e Ambasadës së Ganës në Uashington DC.

“Në dokument shprehet vullneti i Qeverisës së Kosovës dhe Qeverisë së Ganës për të promovuar lidhjet e miqësisë ndërmjet dy shteteve, zgjerimit të horizonteve të bashkëpunimit dhe mbështetja e kauzës së paqes dhe sigurisë ndërkombëtare”, thuhet në njoftim.

Më tutje, në dokument sipas MPJ-së, riafirmohet përkushtimi i dy qeverive për parimet Kombeve të Bashkuara dhe të drejtës ndërkombëtare, duke përfshirë respektin e përbashkët për sovranitetin kombëtar, integritetin territorial dhe mosndërhyrjen në punët e brendshme të një shteti tjetër. Gana e ka njohur Kosovën më 23 Janar 2012.