Kosovë: BQK-ja heq tarifën për depozitimin e monedhave metalike

pixabay

Banka Qendrore e Kosovës ka larguar tarifën për depozitimin e monedhave metalike, ka njoftuar Dhoma e Tregtisë dhe Industrisë, Kosovë.

Në përgjigjen zyrtare nga BQK-ja sqarohet se tashmë bizneset nuk detyrohen të paguajnë një tarifë të tillë gjatë depozitimit të monedhave metalike, ndërsa me kërkesë të BQK-së dhe me dakordim paraprak me Drejtuesit e Bankave Komerciale, të njëjtën praktikë e kanë zbatuar të gjitha bankat komerciale në vend, transmeton albinfo.ch.

“Dhoma e Tregtisë dhe Industrisë, Kosovë, përshëndet largimin e kësaj tarife nga Banka Qendrore e Kosovës, duke mbetur me shpresë se institucionet e vendit do të marrin parasysh imputet nga përfaqësuesitë e bizneseve dhe hapa konkretë për lehtësimin dhe krijimin e një klime sa më të përshtatshme për të bërë biznes në vend”, thuhet në komunikatën për media.