Lajme
KQZ konfirmon mbi 11 mijë aplikacione nga diaspora
Rreth 11 mijë aplikues kanë konfirmuar të dhënat e tyre në qendrën e thirrjeve të Komisionit Qendror të Zgjedhjeve, deri më 20 janar.
Zëdhënësi i KQZ-së, Valmir Elezi, në një përgjigje për Telegrafin ka bërë të ditur se rreth 2 mijë aplikantë nuk e kanë hapur telefonin, ndërsa tha se do të tentojnë që përsëri t’i kontaktojnë.
“Deri më 20 janar në qendrën e thirrjeve për konfirmim dhe verifikim të aplikacioneve janë realizuar gjithsej: 13, 568 thirrje, prej tyre në rreth 11 mijë e 400 aplikuesit kanë konfirmuar të dhënat e tyre, ndërsa rreth 2 mijë e 200 persona nuk e kanë hapur telefonin. Do të bëhen tentime të radhës me qëllim të verifikimit dhe konfirmimit”, tha Elezi për Telegrafin.
Sipas tij, nga numri i përgjithshëm i atyre që janë lajmëruar në telefon, 13 persona të cilët i kemi kontaktuar kanë thënë se nuk janë personat konkret.
“Pra, nuk e kanë emrin, mbiemrin, datën e lindjes dhe shtetin, sikurse në të dhënat nga aplikacioni për regjistrim ose kanë deklaruar se nuk kanë aplikuar fare për regjistrim për të votuar përmes postës”, tha Elezi.
Elezi sqaroi se numri i këtyre aplikacioneve mund të ndryshojë më vonë, për shkak se mund të ketë raste kur i njëjti person ka dërguar me shumë se dy aplikacione.
Sipas tij, pastrimi i bazës do të bëhet për të evituar aplikacionet që janë dërguar më shumë se dy herë.
“Duhet ta kemi parasysh se ky numër i raportuar për aplikacione për të cilat është bërë futja e të dhënave është shifër e cila mund të pësojë ndryshme, sepse mund të ndodhë që për të njëjtin person të kemi më shumë se dy aplikacione për regjistrim. Pastrimi i bazës së të dhënave do të bëhet për të evituar aplikacionet që kanë ardhur nga më shumë se dy apo tri herë”, u shpreh Elezi.
Ndryshe, sot në orën 18:00 përfundon periudha e aplikimit për t’u regjistruar si votues jashtë Kosovës, shkruajnë mediat kosovare, përcjell albinfo.ch.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Bie numri i sulmeve në bankomatë Numri i sulmeve ndaj bankomateve në Zvicër pothuajse është përgjysmuar brenda një viti. Policia federale regjistroi...
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë