Integrimi

Kryebashkiaku i Lozanës mirëpret komunitetin shqiptar në “Javën Shqiptare”

Junod i ka uruar mirëseardhje komunitetit shqiptar të Lozanës, duke vënë theksin në shkallën e lartë të integrimit të këtij komuniteti në jetën shoqërore, politike e kulturore të qytetit

Në kuadrin e “Javës Shqiptare” që po mbahet në Lozanë, pak çaste më parë ka filluar tryeza e debatit “Trajektoret e jetës”, në të cilin, në cilësinë e nikoqirit,  po merr pjesë edhe kryebashkiaku i Lozanës, Grégoire Junod.

Ai me këtë rast ka hapur në mënyrë zyrtare aktivitetet e “Javës së Kulturës Shqiptare” në Lozanë.

Temë e debatit është jeta e të rinjve shqiptarë dhe të huaj në përgjithësi, në mes të dy kulturave.

Në tryezë marrin pjesë po ashtu edhe panelistë shqiptarë, aktivistë dhe funksionarë politikë e shoqërorë në Lozanë dhe në Kantonin Vaud.

Me këtë rast, kryebashkiaku Junod i ka uruar mirëseardhje komunitetit shqiptar të Lozanës, duke vënë theksin në shkallën e lartë të integrimit të këtij komuniteti në jetën shoqërore, politike e kulturore të qytetit.

Pjesëmarrës në këtë debat është edhe ylli i Kombëtares Shqiptare, futbollisti i njohur Lorik Cana, i cili hapat e parë të futbollit i ka marrë pikërisht në qytetin e Lozanës.

Albinfo.ch është po ashtu pjesë e organizimit të Javës Kulturpre Shqiptare në Lozanë