Shqipëria

Kryemadhi, e shqetësuar më largimin e rinisë nga Shqipëria

Kryetarja e Lëvizjes Socialiste për Integrim e Shqipërisë, Monika Kryemadhi, është shprehur e shqetësuar për, siç ka thënë ajo, ikjen që po bëhet çdo ditë e më shumë,  transmeton albinfo.ch.

Në një takim me strukturat e LRI-së, ajo tha se mijëra të rinj po largohen çdo ditë nga vendi. Ajo u shpreh se Shqipëria ndodhet në një situatë emergjente.

“Mbi 9000 maturantë elitarë kanë kërkuar të ikin nga Shqipëria. Kjo është një fatkeqësi që na ka rënë, ka rënë një sëmundje e madhe dhe e rrezikshme, mungesa e besimit, mungesa e shpresës. Kemi shumë të rinj e të reja që duan të ikin, pa e kthyer kokën pas, ne nuk do të kemi më mjekë, juristë, mësues. Ju keni përballuar të gjithë protestat, në këtë hark kohor, që kur LSI ka dalë në opozitë. Jeni të rinj e energjikë.  Nuk do ishte e mundur pa strukturën tuaj motivuese”, tha Kryemadhi.

Ajo për të gjitha këtë e ka bërë fajtor kryeministrin Edi Rama.