Lajme
Kur pritet të trajtohet nga Kuvendi peticioni për tërheqjen e mjeteve nga Trusti
Kuvendi i Kosovës në fillim të sesionit vjeshtor do ta trajtojë nismën legjislative të qytetarëve të Kosovës, të cilët kanë nënshkruar peticione për Projektligjin për Trustin.
Drejtoria për media dhe marrëdhënie me publikun e Kuvendit të Kosovës e ka konfirmuar se kjo çështje do të trajtohet nga 12 shtatori e tutje.
“Kuvendi i Republikës së Kosovës ka përmbyllur sesionin pranveror 2022. Referuar nenin 124 të Rregullores së re të Kuvendit, kjo çështje do të trajtohet me fillim të sesionit vjeshtor (12 shtator e tutje)”, thuhet në përgjigjen e Kuvendit drejtuar Kallxo.com.
Më 15 korrik të këtij viti, në Kuvendin e Kosovës ishin dorëzuar nënshkrimet e peticionit për nismën legjislative qytetare për Projektligjin për Trustin, i cili do t’u mundësonte qytetarëve tërheqjen e një pjese të parave nga Fondi i Kursimeve Pensionale.
Këto nënshkrime iu janë nënshtruar verifikimit në Komisionin Qendror të Zgjedhjeve (KQZ).
Zëdhënësi i KQZ-së, Valmir Elezi, ka thënë se pas kërkesës nga kryetari i Kuvendit, Glauk Konjufca, këto peticione iu janë nënshtruar verifikimit dhe rezulton se mbi 17 mijë nënshkrues të peticionit janë qytetarë me të drejtë vote të Republikës së Kosovës.
Subjektet opozitare, Lidhja Demokratike e Kosovës (LDK), Partia Demokratike e Kosovës (PDK) dhe Aleanca për Ardhmërinë e Kosovës (AAK), janë shprehur se do ta përkrahin këtë nismë legjislative, duke përmendur se është domosdoshmëri që qytetarëve t’iu jepet kjo mundësi në këtë krizë ekonomike.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Projekti kombëtar i testimit të tokës zhvillohet të shtunën dhe të dielën “Tokat janë thelbësore për jetën: ato sigurojnë prodhimin e ushqimit, filtrojnë ujin dhe strehojnë një...
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të
-
Zvicër: Kostot e sistemit shëndetësor kanë arritur 91.5 miliardë franga