Kosova

Kurti e quan idiot Thaçin e shovinist Vuçiqin

Kryetari i Lëvizjes Vetëvendosje, Albin Kurti, e ka quajtur frikacak presidentin, Hashim Thaçi.

Ai, një postim në facebook, të titulluar “Lotët e krokodilit vegjetarian, ose, mbrojtja është sulmi më i mirë”, ka shkruar se edhe pse ka kaluar një javë nga fjalimi i presidentit të Serbisë Aleksandër Vuçiq në Mitrovicë, presidenti i Kosovës ende nuk e ka thënë asnjë fjalë për atë fjalim.

“Pas këtij fjalimi mbi 40-minutësh që përveçse ishte i cekët kishte edhe shumë redundancë, të mendosh se mund të merresh vesh a pajtohesh me Vuçiqin, do të thotë që ke rënë në pozitat e nacionalizmit serbomadh (dhe këtu pak ka rëndësi se a nga frika prej lepuri apo naiviteti prej struci ke besuar të jetë vegjetarian krokodili). Vetëm një frikacak a idiot si Thaçi mund ta shpëtojë një shovinist si Vuçiqi”, ka shkruar Kurti.