Kosova

Kurti: Kosova shkëlqen ndryshe me Sunny Hill dhe Dua Lipën

Kurti priti në zyrën e tij këngëtaren Dua Lipa

Sonte në Prishtinë përmbyllet Festivali i mirënjohur Sunny Hill i cili kryeqytetin e Kosovës e bëri lajm në arenën ndërkombëtare.

“Kosova shkëlqen ndryshe me Sunny Hill dhe vajzën tonë të artë, Dua Lipa, të cilën sot e prita në Kryeministri”, tha kryeministri Albin Kurti.

‘Vendi ynë po shënon një nga vitet më të suksesshme kulturore në historinë e tij. Duan e falënderova për përfaqësimin e bukur e dinjitoz dhe promovimin e vlerave të Kosovës kudo në botë. Zëri, muzika e kënga e saj, na kanë bërë shumë më të njohur dhe mirënjohur anembanë. Kontributi që ajo jep për Kosovën është i pamatshëm’, tha tutje Kurti.

Tutje kryeministri thotë se pas katër ditë performance muzikore me emra të njohur ndërkombëtarë dhe vendorë, është momenti t’u themi faleminderit Duas dhe gjithë ekipit për punën dhe promovimin që i bënë Kosovës. Sunny Hill është edhe dobi për ekonominë lokale.

Këtë vit mirënjohje e veçantë iu bë Dua Lipës edhe për mbështetjen ndaj angazhimeve shtetërore për liberalizimin e merituar të vizave për qytetarët e Kosovës.


LAJME INTERESANTE NGA INTERNETI