Kosova
Kurti: Politikat feministe çojnë në përparimin e demokracisë
Sot, kryeministri i Kosovës, Albin Kurti, tha se Qeveria që ai udhëheq përkrah politika feministe barazimtare, pasi sipas tij, politika të tilla po e përparojnë demokracinë ngado, përcjell albinfo.ch.
Më 8 mars, në Ditën Ndërkombëtare të Gruas, Kurti tha se ekzekutivi ka marrë masa për të përmirësuar jetën e grave dhe vajzave duke u ofruar atyre shtesa, grante, bursa, vaksina e përkrahje tjetër.
“Politikat feministe po e ruajnë dhe po e përparojnë demokracinë ngado sot. Ato e kanë fituar luftën politike, sepse tashmë nuk ka dyshime më se këto të dyja mund të ecin vetëm bashkë. Ky është edhe shteti për të cilin punojmë për çdo ditë, demokrat po, por edhe feminist gjithsesi”, tha Kurti gjatë një konference të organizuar nga Agjencia për Barazi Gjinore për nder të 8 Marsit.
Kryeministri kosovar tha se fuqizimi i pozitës së grave në shoqëri, e veçmas “forcimi i pozitës ekonomike të saj, janë ndër ndryshimet thelbësore që Qeveria jonë ka shtyrë përpara që nga fillimi i mandatit”.
Referuar të dhënave të Agjencisë së Statistikave të Kosovës ka një hendek të madh sa i përket punësimit të grave dhe burrave. Të dhënat e tremujorit të parë të vitit 2023, flasin për vetëm 18.5 për qind të grave në moshë pune të punësuar, krahasuar me 51.5 për qind të burrave të punësuar.
Gjatë fjalës së tij në këtë konferencë, Kurti përmendi edhe çështjen e metodës së fertilizimit të asistuar të njohur si IVF.
Kjo temë ka shkaktuar debat në shoqëri, teksa Kuvendi i Kosovës që disa seanca po shtyn votimin për Projektligjin për shëndetin riprodhues, pas kundërshtimeve të disa deputetëve për IVF-in, metodë që u mundëson grave të pamartuara të mund të lindin fëmijë.
“Për ne është çështje e vetëkuptueshme që gratë kanë autonomi të plotë mbi trupin e tyre, planifikimin familjar dhe lirinë për qasje të barabartë në shërbime shëndetësore”, tha Kurti.
Në Prishtinë, gjatë 8 Marsit është paraparë të mbahet marshi i përvitshëm që organizohet nga Kolektivi “Marshojmë s’festojmë”. Vitin e kaluar, gjatë protestës më 8 mars ishte bërë thirrje për siguri ndaj grave./REL
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Zvicër
-
Zvicër: Rastet e kollës te fëmijët, shumë të shpeshta Zvicra po goditet nga një valë e kollit, e cila është veçanërisht e rrezikshme për foshnjat...
-
A do të largohet selia e FIFA-s nga Zvicra?
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?