Kosova

Ky është ambasadori i ri i Kosovës në Gjermani

Ministrja e Jashtme, Donika Gërvalla, ka konfirmuar se ambasadori i ri i Kosovës në Gjermani do të jetë Faruk Ajeti, përcjell albinfo.ch.

Ajeti ka marrë kredencialet te Presidenti i Gjermanisë dhe përfaqëson Kosovën atje.

“Faruk Ajeti ka shkuar në Gjermani dhe do të jetë ambasadori i ri atje. Është gjermanofolës. Është studiues tepër i mirë i marrëdhënieve të jashtme dhe ka kryer studime në akademitë austriake. Ka filluar punën e tij nga data 6 nëntor.  I kemi dërguar kredencialet te presidenti dhe nga ai moment do të përfaqësojë Kosovën atje”, thotë ajo në emisionin Pressing në T7.

Ajo ka komentuar edhe emërimin e ambasadorit të Kosovës në BE.

“Gazetari Agron Bajrami është ambasadori ynë në Bruksel, i cili në një kohë rekord ka marrë miratimin e Mbretërisë së Belgjikës për të qenë ambasadori ynë atje. Zoti Bajrami, si rrallë kush e njeh relacionin Kosovë-BE”, shtoi ajo.

Faruk Ajeti


LAJME INTERESANTE NGA INTERNETI