Kuriozitete

Ky është Bugatti Chiron i ndërtuar me “Lego”

“Bugatti Chiron”, i bërë i tëri nga tullat “lego”, është prezantuar në “Lego House”.

Projekti ka zgjatur tetë muaj dhe 13.438 orë për t’u ndërtuar.

Bugatti i ndërtuar nga tullat “lego” tashti ndodhet në Billund të Danimarkës Perëndimore, vendlindja e tullave ikonike.

Makina është ndërtuar nga “Lego Technic”, pa përdorur ngjitës dhe mund të bartë dy pasagjerë, transmeton albinfo.ch.

Shpejtësinë maksimale e arrin në 20 km në orë

Modeli është zhvilluar, duke përdorur më shumë se 1.000.000 elemente “lego” dhe peshon 1.5 tonë. “Lego House” prej 12.000 metrash katrorë përfshin një dyqan “Lego”, katër zona për aktivitete dhe një galeri që shfaq historinë e “Legos” dhe punimet e bëra nga fansat.