Lajme

Lartësohet edhe një herë, mbi të gjithë, flamuri i Kosovës

Tashmë Nora Gjakova e ka lartësuar flamurin e Kosovës, falë medaljes së artë të fituar në Lojërat Olimike që po mbahen në Tokio, transmeton abinfo.ch.

Ajo mposhti në finale francezen Sarah Leoine Cysique, për të realizuar ëndrrën e saj, por edhe për t’i sjellë vendit tonë të dytën në këto lojëra.

Gjakova pranoi edhe zyrtarisht medaljen e artë, derisa himni i Kosovës u intonua para të pranishmëve në sallë.

Njëkohësisht, derisa intonohej himni i vendit tonë, flamuri ngjitej në piedestal, para syve të qindra apo edhe miliona personave që e kanë shikuar këtë moment.

Kujtojmë se kjo është medalja e dytë e artë për Kosovën, pasi qysh në ditën e parë, Distria Krasniqi e rrëmbeu të parën.


LAJME INTERESANTE NGA INTERNETI