Bota

Lindje e Mesme: Një milion fëmijë mund të ngrijnë dimrin e ardhshëm

Ekziston rreziku që një milion fëmijë, viktima të konfliktit në Lindjen e Mesme, dimrin e ardhshëm të përfundojnë në ambientet e hapura për shkak të mungesës së fondeve, paralajmëroi Fondi Emergjent i Kombeve të Bashkuara për Fëmijët (UNICEF), shkruan albinfo.ch.

«Vitet e luftërave, jeta e refugjatëve dhe papunësia kanë zvogëluar pothuajse në zero financat familjare. Ngrohja u bë diçka e paarritshme”, tha drejtori rajonal i UNICEF-it për Lindjen e Mesme, Gert Kapeler.

Pretendimet e UNICEF-it janë se mungojnë 33 milionë, të cilat përbënin rreth dy të tretat e buxhetit të saj për të siguruar ndihmë themelore humanitare për fëmijët janë kryesisht rroba dhe batanije.

Sipas Fondit, shirat dhe të ftohtit do të ndikojnë tek ata fëmijë që jetojnë në kushte jashtëzakonisht primitive në kampet e refugjatëve ose në strehimin e përkohshëm të mbipopulluar.

«Me fillimin e motit të ftohtë dhe shirat në Lindjen e Mesme dhe Afrikën e Veriut, gati një milion fëmijë në rajonet e krizës do të mbetet në të ftohtë», tha Kapelare, përcjell albinfo.ch.