Lozana do të mirëpresë Festivalin Folklorik  “Ilirët Jehojnë”

Më 15 dhe 16 nëntor 2025

Më 15 dhe 16 nëntor 2025, qyteti i Lozanës do të mirëpresë Festivalin Folklorik  “Ilirët Jehojnë”, një prej ngjarjeve më përfaqësuese të kulturës shqiptare në diasporë.

Këtë vit, festivali zhvillohet në kuadër të festimeve të Ditës së Flamurit, me të ftuar special aktorin me famë botërore, z. Xhevat Limani, i cili do të mbajë një recital artistik kushtuar 28 Nëntorit.

Ky edicion i parë i festivalit pritet të sjellë një program të pasur artistik dhe atmosferë madhështore, duke mbledhur ansamble folklorike, këngëtarë, valltarë dhe artizanë nga të gjitha trojet shqiptare dhe nga komunitetet shqiptare në Evropë.

Qëllimi i festivalit është ruajtja dhe promovimi i trashëgimisë kulturore mbarëkombëtare përmes këngës, valleve, kostumeve tradicionale dhe aktiviteteve kulturore shoqëruese.

Festivali organizohet nën drejtimin e Fatime Kalimashit, ndërsa në Këshillin Organizator marrin pjesë edhe Prof. Dilaver Kryeziu, Isak Aliaj dhe SHKA “Ilirët”.
Juria përbëhet nga profesorë dhe studiues të njohur të muzikës dhe folklorit: Prof. Dilaver Kryeziu, Prof. Sami Piraj dhe Emir Dizdari.
Moderimin e mbrëmjeve do ta bëjnë Defrim Methasani dhe Mirjeta Aliaj.

“’Ilirët Jehojnë’ nuk është vetëm një manifestim artistik, por një frymë bashkimi që rikujton rrënjët tona dhe e çon trashëgiminë tonë te brezat e ardhshëm,” – theksojnë organizatorët.

 

---