Kosova
Lumezi dhe ambasadori zviceran diskutojnë për thellimin e bashkëpunimit
Ambasadori i Zvicrës ka shprehur vlerësim dhe mbështetje për sundimin e ligjit në Kosovë
Kryeprokurori i Kosovës, Aleksandër Lumezi, ka zhvilluar një takim pune me ambasadorin e Zvicrës në Kosovë, Jean – Hubert Lebet.
Lumezi e ka njoftuar ambasadorin Lebet me të arriturat dhe sfidat gjatë vitit të kaluar, si dhe për planet dhe objektivat e Prokurorit të Shtetit për vitin 2020 në funksion të forcimit të sundimit të ligjit në Republikën e Kosovës.
Në këtë kontekst, Kryeprokurori i Shtetit ka deklaruar faktin se thelbësore për arritjen e këtyre objektivave është edhe bashkëpunimi me partnerët ndërkombëtarë, të cilët në forma dhe me projekte të ndryshme janë duke kontribuar në konsolidimin e institucioneve të drejtësisë.
Ndërsa, Ambasadori i Zvicrës ka shprehur vlerësimin dhe mbështetjen e tij për Prokurorin e Shtetit në ushtrimin e detyrave kushtetuese dhe ligjore.
Të dy bashkëbiseduesit e kanë vlerësuar si të shkëlqyer bashkëpunimin e deritanishëm në mes të institucionit të Prokurorit të Shtetit, Ambasadës së Zvicrës në Kosovë dhe institucioneve të drejtësisë në Zvicër, me ç’rast konfirmuan vullnetin dhe gatishmërinë e dyanshme për ta avancuar edhe më tej këtë bashkëpunim, veçanërisht në fushën e bashkëpunimit juridik ndërkombëtar.
Në fund të takimit, Lumezi ka shprehur falënderim për shtetin e Zvicrës, duke e çmuar lart ndihmën dhe përkrahjen e dhënë nga Ambasadori Lebet për institucionin e Prokurorit të Shtetit.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe