Mal i Zi nis bisedimet për anëtarësim në BE

Zyrtarët e BE-së thanë se liderët e vendeve anëtare e kanë nënshkruar rekomanimin për hapjen formale të bisedimeve me Malin e Zi

Bashkimi Evropian i fillon sot më vonë gjatë ditës bisedimet për pranim me Malin e Zi, hap ky që nënkupton risigurim të vendeve të tjera se BE-ja mbetet e hapur për zgjerim, përkundër krizës së thellë ekonomike dhe strukturale. Zyrtarët e BE-së thanë se liderët e vendeve anëtare e kanë nënshkruar rekomanimin për hapjen formale të bisedimeve me Malin e Zi. Pritet që ato të zgjasin disa vite, transmeton ReL.Raportohet se anëtarësimi në BE është qëllim i të gjitha shteteve në Ballkan.Kroacia vitin e ardhshëm bëhet anëtarja e 28 e bllokut, ndërsa vendet e tjera, Shqipëria, Bosnjë Hercegovina, Mali i Zi, Serbia, të gjithë janë në shkallë të ndryshme të procesit të integrimit në Bashkimin Evropian.Sa i përket  Kosovës, Komisioni Evropian tashmë e ka lansuar studimin e fizibilitetit, që është një fazë fillestare në procesin e integrimit në BE.