Maqedonia
Maqedoni: Beteja për mbylljen e kazinove
Lëvizja Demokratike kërkon nga zëvendëskryeministri Artan Grubi dhe BDI-ja të thyejë heshtjen dhe të tregojë nëse pranon ose jo për mbylljen e plotë të kazinove, ashtu si në Kosovë dhe Shqipëri, shkruan Alsat.
Nga ky subjekt thonë se BDI-ja është bërë peng e një njeriu, i cili legalizon bixhozin për interesa personale.
“Propozimi ynë është që t’i mbyllim përfundimisht këto vende që nesër. Ne propozojmë mbylljen, ndërsa Artan “kazinomani” me nënshkrimin e tij po hap internet kazino për të futur bixhozin në shtëpitë tona, në çdo shtëpi përmes internetit. Pra, ky është dallimi”, tha Jetmir Asani, nga Lëvizja Demokratike.
Asani vlerëson se arsyetimet e Grubit që me legalizimin e kazinove online do të sigurohen më shumë fonde për kulturë, sport dhe arsim janë të pavërteta.
“Për çdo veprim që e bëjmë, duhet bërë një kros benefit analizë gjithmonë. Ne vlerësojmë se dëmi i kazinove është shumë më i madh se sa benefiti që mund t’i sjellë shtetit”, thotë Jetmir Asani, nga Lëvizja Demokratike.
Grubi vazhdon të heshtë ndaj akuzave dhe sfidës së kreut të Lëvizjes Demokratike, Izet Mexhiti, i cili kërkoi dhe ofroi mbështetje për një zgjidhje ligjore e cila i mbyll plotësisht lojërat e fatit.
Në paraqitjen e tij të fundit, Grubi deklaroi se propozim-ligji për lojërat e fatit do të miratohet dhe se tenderi për zgjedhjen e kompanive të reja që do të mbikëqyrin dhe zbatojnë lojërat e fatit online nuk do të abrogohet. Ai vlerëson se me ligjin e ri demonopolizohet kjo industri dhe shkatërrohet organizimi ilegal i lojërave të fatit.
E-Diaspora
-
“Festivali i këngës dhe valles shqiptare”, një festë për shqiptarët në Nju Jork Ky ishte edicioni i 32 me radhë, i organizuar nga Qendra Kulturore “Nënë Tereza”, pranë Kishës...
-
Shqipëria njofton për pajisje me dokumente elektronike për shtetasit që jetojnë jashtë vendit
-
Edi Rama sot mban takim me shqiptarët e Amerikës në Nju-Jork
-
Nga Vjena në Shqipëri, ekstradohet një shtetas shqiptar
-
Në Gjermani janë regjistruar më shumë se 200 mijë qytetarë nga Kosova
Jeta në Zvicër
-
Qeveria zvicerane përballet me kritika për përfshirjen e mediave elektronike në ligjin për radio-TV Ndryshimet në Aktin Federal të Radios dhe Televizionit të Zvicrës (RTVA) janë pritur mirë në një...
-
Zvicra anëtarësohet në sistemin e mbrojtjes ajrore të Evropës
-
Studimi tregon se pagat e CEO-ve në Zvicër u rritën me 5% në vitin 2023
-
Ushtria zvicerane, pa softuer të logjistikës së luftës deri në vitin 2035
-
Kamerat e trupit për gjyqtarët e futbollit po bëhen temë në Zvicër