Marrëveshja e Prespës hyn në fuqi, Greqia dorëzon notën verbale Maqedonisë

Greqia i dorëzoi notën verbale Maqedonisë. Përmes kësaj note Greqia informon se ka plotësuar obligimet e saja që të mund Marrëveshja e Prespës të hyjë në fuqi. 

Pritet që sonte në Gazetën Zyrtare të shpallet data kur hyjnë në fuqi ndryshimet kushtetuese dhe ligjet kushtetuese, me të cilët republika e Maqedonisë do të bëhet Republika e Maqedonisë së Veriut.

Pastaj  dy shtetet do ta njoftojnë OKB-në për ndryshimin e emrit.

Ministria e Jashtme obligohet menjëherë t’i njoftojë edhe vendet tjera anëtare të OKB-së dhe organizatat ndërkombëtare. 

Por dhe 130 shtetet të cilat vendin e kanë njohur me emrin kushtetues. Shtetësia parashikohet të jetë “maqedonase/qytetar i Republikës Veriore të Maqedonisë” në të gjitha dokumentet e udhëtimit. Ndërsa ndryshimet e pasaportave dhe dokumenteve personale do të bëhen në pesë vitet e ardhshme. 

Dygjuhësia do të bëhet njëkohësisht, ndërsa Qeveria do të formojë edhe grup nga resorët e brendshëm për implementimin dhe mbikëqyrjen e Marrëveshjes së Prespës.