Kosova

Lejohen ahengjet në Kosovë

Qeveria e Kosovës ka miratuar masat e reja anti-COVID, duke lejuar mbajtjen e ahengjeve, si dasmat, fejesat dhe mbrëmjet e maturës deri në orën 23:00. Qeveri bën me dije se muzika lejohet deri në orën 22:45.

“Organizimi i dasmave, fejesave, ahengjeve familjare dhe mbrëmjeve të maturës është i lejuar me kusht që të shfrytëzohet 30 për qind e kapacitetit të hapësirës (30 persona për 100 m2), por jo më shumë se 200 të ftuar në rastet kur 30 për qind e kapacitetit të hapësirës tejkalon këtë numër”, thuhet në njoftim.