Lajme
Mbi 80 të vdekur si pasojë e tornadove në SHBA
Një numër tornadosh shkatërrimtare përshkoi gjashtë shtete të Shteteve të Bashkuara, duke shkaktuar vdekjen e mbi 70 vetëve në Kentaki dhe duke rrënuar një numër të madh shtëpish dhe biznesesh përgjatë 320 kilometrash, thanë zyrtarët të shtunën.
Tornadot e fuqishme që meteorologët thonë se janë të pazakonta gjatë muajve të ftohtë, shkatërruan një fabrikë karamelesh dhe stacioneve të zjarrfikësve të policisë në një qytet të vogël të Kentakit, si edhe një azil të moshuarish në Misurin fqinjë, dhe shkaktoi vdekjen e dy punonjësve në një magazinë të kompanisë Amazon në St. Louis.
Guvernatori i Kentakit, Andy Beshear, tha se vala e tornadove ishte më shkatërruesja në historinë e shtetit. Ai tha se fati i 70 punonjësve në fabrikën e karameleve në qytetin Mayfield mbetet i panjohur, pasi 110 vetë ishin brenda, kur ajo u rrënua.
Zoti Beshear shpalli gjendjen e jashtëzakonshme dhe ka aktivizuar Gardën Kombëtare të Kentakit si edhe ka dislokuar policinë e shtetit.
Në Edwardsville, policia e Ilinoit tha në një deklaratë të publikuar në Facebook se moti i keq shkaktoi “një shembje të pjesshme të ndërtesës” së një magazine të kompanisë Amazon, ku janë konfirmuar 2 të vdekur dhe aktualisht po zhvillohet një operacion shpëtimi.
Një tornado goditi gjithashtu një azil të moshuarish në Monette në Arkansanë veriore, por nuk dihen ende përmasat e dëmeve.
Zyrtarët thanë se tornadot përshkuan të paktën pesë shtete, Arkansas, Ilinoi, Kentaki, Misisipi, Mizuri dhe Tenesi./VOA
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Mungesa e psikoterapistëve, i lë fëmijët zviceranë në krizë Në vitin 2023, 42,000 të rinj në Zvicër thirrën shërbimin e linjës së ndihmës 147...
-
Frëngjishtja në rritje në qytetet dygjuhëshe të Zvicrës
-
A priten vonesa dhe tollovi në aeroportin e Cyrihut?
-
Arnold “The Cobra” Gjergjaj triumfon në luftën e fundit
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025