Mediat zvicerane: Si të ndalohen të shtënat masive në SHBA

Një seri sulmesh tragjike në Shtetet e Bashkuara gjatë fundjavës ka lënë që mediat zvicerane të hutohen dhe të pyesin - pse SH.B.A-ja paralizohet kur bëhet fjalë për mbrojtjen e qytetarëve të saj?

Mediat zvicerane shprehin tronditje për sulmet në Dejton, Ohio dhe El Paso, Texas gjatë fundjavës që la më shumë se 30 njerëz të vdekur. Disa vunë në dukje se këto ishin dy vrasje masive në një “listë në përhapje”.

Por, ndërsa disa e panë këtë si rezultat i të metave themelore në shoqërinë dhe politikën amerikane, gazetat e tjera e konsideruan atë si rezultat tragjik të nacionalizmit të bardhë dhe një mesazh paralajmërues për Evropën, përcjell albinfo.ch.

Fakti që Presidenti Trump nuk përmendi ligje më të rrepta për kontrollin e armëve në fjalimin e tij, nuk kaloi pa u vënë re nga TagesAnzeiger. Sëmundja mendore dhe lojërat e dhunshme, të cilat Presidenti sugjeroi se ishin fajtore, janë gjithashtu të zakonshme në Evropë, theksoi gazeta.

“Nuk është as mungesa e devotshmërisë dhe as lojërat video që e kthejnë rregullisht SHBA- në në një fushëbetejë, ku fëmijët dhe nënat, studentët, të moshuarit dhe kolegët e punës humbasin jetën e tyre, por përkundrazi është qasja e lehtë në armë zjarri”, thuhet në shkrim, përcjell albinfo.ch.