Opinione
Mërgata ka hise në Kosovë, ajo është vetë atdheu
Partneri im (burri) është pjesë e mërgatës shqiptare në Vjenë. Është zhvendosur si student. Unë vetë që tre muaj jam me një këmbë në Vjenë, një në Prishtinë. Ai e ka motrën në Londër, kurse unë motrën në Frankfurt. Nëna ime e ka motrën në Floridë të Amerikës, e vëllain në Cyrih të Zvicrës. Babai im e ka motrën po ashtu në Zvicër.
Familjet shqiptare nuk e kanë thjesht ndonjë të afërm, por pothuajse të gjithë e kanë të paktën një anëtar të familjes së ngushtë jashtë Kosovës. Të gjithë këta vijnë në Kosovë dhe vuajnë që nuk mund ta sjellin me vete sistemin që vetë e gëzojnë. Sjellin aq sa munden, përvoja e mjete materiale. Por i lakmojnë për Kosovën spitalet funksionale me trajtim e kujdes për rastet kur u sëmuren prindërit, shkolla të forta për fëmijët e siguri në punë.
Mërgata sot dhuron edhe kulturë e art (edhe në gjuhën shqipe). Madje mjaft suksesshëm. Ndërkohë mërgimtarët nuk ke pse i njofton me ngjarjet politike. Ata i dinë dhe i përcjellin vetë të gjitha.
Mërgata ka hise në Kosovë. I takon një pjesë e madhe e vendit dhe është vetë atdheu. Deri tash kanë dhënë shumë pa marrë asgjë. Tash është koha të marrin pjesë në ndryshim. E ne t’i bëjmë pjesë të përparimit të pas 6 tetorit. Lidhja me Kosovën nuk mund të jetë më interesim i njëanshëm.
Plot prej tyre i kanë prerë biletat e më 6 tetor votojnë në Kosovë, megjithëse i kanë kryer pushimet. Ndërkaq sot mbi 30 mijë të regjistruar mund të fillojnë të votojnë dhe prej tash Kosova bëhet gati për ndryshim.
TINKA KURTI
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane