Mërgimtari nga Gjermania dhuron 1.5 milion euro për shqiptarët në emision live

Një mërgimtar nga Gjermania, që qëndroi anonim, tha se ka vendosur të ndërtojë 4 pallate, të cilat prekin shifrën e mbi 1.5 milionë euro

Duket se solidarizimi me banorët e prekur nga tërmeti i së martës në Shqipëri, nuk ka të ndalur.

Rol të rëndësishëm po luajnë diaspora shqiptare.

Shumë shqiptar anembanë botës, por dhe shtete fqinje kanë ndarë shuma të mëdha parash për ata qytetarë që u dëmtuan dhe mbeten pa kulm mbi kokë.

Padyshim që një ndihmë të madhe me thirrjet e tij ka dhënë edhe humanisti, Elvis Naçi.

Ai mbrëmë në një emision live, së bashku me Sidrit Bejlerin dhe Gold Ag, priten telefonata nga bashkatdhetarë të cilët si gjithmonë hapën zemrën për popullin e tyre.

Nga ana tjetër, emocionuese ishte pikërisht telefonata e fundit, kur një mërgimtar nga Gjermania, që qëndroi anonim tha se ka vendosur të ndërtojë 4 pallate, të cilat prekin shifrën e mbi 1.5 milionë euro.

Elvis Naçi duke falënderuar atë, tha se “Një gëzim i paparë po mbretëron në studio, teksa njerëzit e pranishëm kanë nisur të qajnë nga gëzimi dhe vepra e mërgimtarit”, përcjell albinfo.ch.

 

---