Milani, në garë për Granit Xhakën

Granit Xhaka është shumë pranë largimit nga Arsenali.

Mesfushori shqiptar nuk është më i lumtur në Emirates Stadium, shkaku i incidentit me tifozët në barazimin 2-2 ndaj Crystal Palaces.

Kështu, sipas asaj që raporton Daily Mail, 27-vjeçari është duke u kërkuar nga disa skuadra, por që në garë së fundmi është futur edhe Milani.

Rossonerët shpresojnë që ta transferojnë Xhakën në afatin kalimtar të dimrit, por që duhet paguar një shumë rreth 30 milionë euro.

Mesfushori është dëshira kryesore e Stefano Piolit, derisa thuhet se kanë filluar bisedimet me The Gunners.

Skuadra italiane mund të hasë në vështirësi në transferimin e reprezentuesit të Zvicrës, pasi atë e duan edhe ish-skuadra e tij Borussia Monchengladbach e Hertha Berlin, shkruan telegrafi, përcjell albinfo.ch.

---