Ministri Sveçla: KE rikonfirmon se Kosova ka përmbushur kushtet për heqjen e vizave

“Komisionerja e BE për Punë të Brendshme Johansson ka ri-konfirmuar që Komisioni qëndron prapa vlerësimit të tij dhe se puna vazhdon deri në kompletimin e Liberalizimit të Vizave

Ministri i Punëve të Brendshme i Kosovës, Xhelal Sveçla ka takuar sot në Bruksel komisionaren evropiane për punë të brendshme, Ylva Johansson.

Ai me këtë rast e ka falënderuar atë për ri-konfirmimin nga Komisioni Evropian se Kosova ka plotësuar në tërësi kriteret për lëvizjen e lirë për qytetarët e saj, shkruan rtklive.com.

“Komisionerja e BE për Punë të Brendshme Johansson ka ri-konfirmuar që Komisioni qëndron prapa vlerësimit të tij dhe se puna vazhdon tutje në kuadër te procesit ekzistues deri në kompletimin e Liberalizimit të Vizave. Biseduam mbi arritjet e Qeverisë sonë nga hera e fundit kur jam takuar virtualisht me znj. Johansson.

Lufta ndaj krimit, korrupsionit, trafiqeve të ndryshme dhe të gjitha veprimtarive ilegale mbetet prioritet i yni andaj në këtë kuptim kam shprehur gatishmërinë tonë për bashkëpunim të ngushtë me të gjitha shtetet aleate për krijimin e stabilitetit në vendin tonë dhe më gjerë”, ka shkruar Sveçla në Facebook pas takimit në Bruksel.

---

LAJME INTERESANTE NGA INTERNETI