Miranda mund të buzëqeshë sërish

"Albanienhilfe" e qytetit Weilheim, i ka mundësuar Mirandës nga Shqipëria operimin nga plagët që kishte pësuar nga një djegie

Miranda Kovaçi, një vajzë 18 vjeçe nga Shqipëria, si fëmijë, në moshën dyvjeçare kishte pësuar plagë të rënda nga zjarri. Fytyra dhe pjesë të trupit i ishin deformuar nga djegiet e rënda. Që atëherë ajo po vuante jo vetëm nga dhembjet e plagëve që i kishin mbetur por edhe shpirtërisht, për shkak të pamjes.

Me iniciativën e organizatës humanitare “Albanienhilfe” të qytetit Weilheim në landin e Bavarisë, Gjermani, Miranda është sjellë për shërim në një spital të Munihut. Tashmë ajo ka mbrapa vetes një peeracion të vështirë që ka përfunduar me sukses.

Miranda me mjekun Ninkovic

Mjeku specialist i kirurgjisë plastike dhe estetike në spitalin München-Bogenhausen prof. Miomir Ninkovic ka kryer operacionin falas, ndërsa për rrugën dhe qëndrimin në Gjermani të vajzës, kanë grumbulluar mjete qytetarët e Weilheimit në kuadër të aksionit “Merkur hilft Kindern”.

Pas operacionit të suksesshëm, Miranda sërish është nëe gjendje të buzëqeshget, të hajë dhe madje edhe të shprehë ndjenjat e saj përmes grimasave. Një vit më parë ajo i bënte me vështirësi të madhe ose nuk mund t`i bënte fare këto veprime, shkruan merkuronline.de.

“Ajo mund të hapë tashmë gojën pa problem”, thotë Evelyn Huber, kryetare e organizatës “Albaninehilfe Vielheim”.