Lajme
Mishi në Zvicër kushton 2.3 fish më shtrenjtë se në BE
Ndonëse edhe çmimet e artikujve tjerë në Zvicër janë më të larta se kudo në shtetet e BE-së, dallimi te çmimi i mishit është më i madhi
Konsumatorët e mishit në Zvicër, për biftekun ose filenë e tyre duhet të paguajnë 2.3 fish më shtrenjtë se mesatarja e BE-së. Këtë e tregojnë shifrat më të reja të Zyrës Evropiane të Statistikave Eurostat, shkruan srf.ch.
Ndonëse edhe çmimet e artikujve të tjerë në Zvicër janë më të larta se kudo në shtetet e BE-së, dallimi te çmimi i mishit është më i madhi.
Në përgjithësi artikujt ushqimorë në Zvicër janë 1.64 herë më shtrenjtë se mesatarja e BE-së, transmeton albinfo.ch. Te qumështi, vezët dhe djathi, diferenca është 1.35 herë. Vetëm alkooli dhe duhani në Zvicër kushtojnë afërsisht njësoj si në BE.
Sigurisht, dukshëm më lirë kushton mishi në vendet e BE-së, si Rumania ose Polonia, ku çmimi i tij arrin në 63% të mesatares së BE-së.
Ndërsa në shtetet që nuk janë pjesë e BE-së, si në Islandë dhe në Norvegji, mishi kushton përpjestimisht shumë, ose 1.65 herë, respektivisht 1.55 herë më shtrenjtë se mesatarja në BE.
Tash sa i përket Zvicrës: Mbetet e paqartë nëse këtu luan një rol shprehia e ndryshuar e konsumit ose lartësia e çmimit, por zviceranët po tregojnë një trend në ulje të konsumimit të mishit.
Sipas statistikave të organizatës së prodhuesve të mishit, “Proviande”, zvicerani mesatar konsumon 52 kilogramë mish brenda një viti.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit