Lajme

Mjekët e Cyrihut arrijnë të riparojnë dhe të transplantojnë mëlçinë e dëmtuar

Nga teoria në praktikë: pasi shpallën në vitin 2020 se kishin zhvilluar një makinë për të riparuar mëlçitë e dëmtuara dhe për t’i mbajtur ato gjallë jashtë trupit për një javë, shkencëtarët tani kanë përdorur teknologjinë për të shpëtuar një pacient me kancer, transmeton albinfo.ch.

Projekti multidisiplinar Liver4Life, i cili e quajti ngjarjen “e para në botë”, tha të martën se kishte arritur të riparonte një mëlçi të dëmtuar gjatë një periudhe treditore kur ajo mbahej jashtë trupit, përpara se të implantohej me sukses në një pacient me kancer.

Projekti Liver4Life filloi në vitin 2015 dhe përfshin studiues nga Spitali Universitar i Cyrihut, Instituti Federal i Teknologjisë i Cyrihut (ETHZ), grupi kërkimor Wyss Zurich dhe Universiteti i Cyrihut, transmeton tutje albinfo.ch.