Lajme
Mungon transparenca e të ardhurave të eurodeputetëve
Më shumë se dy të tretat e 705 euro-deputetëve kanë punë me kohë të pjesshme, nga të cilat mund të fitojnë mbi 8.6 milionë euro në vit. Transparency International ekzaminoi deklaratat e të ardhurave të të gjithë politikanëve dhe konstatoi se deri më tani 3 milionë euro ishin marrë nga një përfaqësues lituanez, nga një kompani pronash të patundshme, i ndjekur nga një politikan francez, një hungarez dhe presidenti i Partisë Popullore Evropiane, Manfred Weber.
Raphawl Kergueno, nga Transparency International, deklaroi: “Është e ligjshme të kesh punë të tjera përsa kohë je transparent. Por, kur shohim përmbajtjet e deklaratave të euro-deputetëve, ne konstatojmë disa aktivitete që ngrenë dyshime. Për shembull, përfshirjen e një kompanie shumëkombëshe, në një kohë kur ata vetë ishin ngarkuar me detyrën e hartimit të legjislacionit që mund të prekë këtë kompani”.
“Transparency International” nuk akuzon askënd për shkelje të rregullave, por nënvizon se disa ligjvënës evropianë marrin shpërblime nga kompani të caktuara, në një kohë kur kryejnë aktivitete parlamentare kundër shpërblimeve.
Mes atyre të përfshirë, polaku Marek Belka tha për Euronews se punët e tij të jashtme nuk përbëjnë shkelje të detyrimeve; belgu Gaj Ferhofshtadt përjashton gjithashtu një konflikt interesi; dhe gjermania Monika Hohlmajer mbron pavarësinë e vendimeve të saj politike, transmeton euronews, përcjell albinfo.ch.
Sipas “Transparency International”, konflikti i interesit duhet të hetohet, sidomos pas skandaleve të influencës të verifikuara në vitet e fundit.
“Sikurse e shohim, në zgjedhjet evropiane, një nga shqetësimet kyçe është ndërhyrja e huaj. Dhe, ne e dimë që në teori, sipas rregullave të sotme, është tërësisht e lejueshme të marrësh para nga qeveria e një vendi të tretë, ose të kesh një aktivitet për aq kohë sa je transparent. Por ajo që mbrojmë ne është ndalimi i këtyre aktiviteteve”, deklaroi Kergueno.
Parlamenti Evropian ka miratuar së fundmi rregulla të reja strikte dhe ligjvënësit duhet të pasqyrojnë një informacion më të detajuar mbi të ardhurat.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit