Futboll
Muriqi mban konferencën e parë për media si pjesë e Lazios
Në konferencën e parë për media, Muriqi është shprehur i nderuar që tash është sulmues i Lazios, klub ku u transferua gjatë verës për 20 milionë euro nga Fenerbahçe.
Qendërsulmuesi u transferua verës te Lazio, por një kohë nuk arriti të ushtronte me skuadrën pasi ishte diagnostikuar me COVID-19.
“Është nder të jem këtu. Ka sigurisht dallime në krahasim me futbollin në Turqi. Kam marrë shumë mesazhe nga fansat kur kam arritur dhe i siguroj se do të jem i përkushtuar. E di se njerëzit thonë se jam Zlatan Ibrahimoviqi i Kosovës, por e vërteta është se do të jem Muriqi i Lazios. Jam këtu për të dhënë më të mirën”, ka thënë ai. “Nuk e dua presionin se sa gola pres të shënoj, pasi s’jam vetjak, dhe dua të luaj për skuadrën”.
Muriqi një kohë ishte kërkuar edhe nga Tottenham Hotspuri. Ai ka pranuar se Lazion e ka përzgjedhur edhe për shkak të drejtorit sportiv Igli Tares.
“Jam në një nga klubet më të mëdha në Itali. Ka pasur shumë oferta, por zgjodha Lazion për shkak të stilit të lojës dhe drejtorit sportiv Igli Tare, që është nga Shqipëria. Lazio ishte zgjedhja ime e parë. Tashmë di gjithçka për derbin e Romës dhe mezi pres të paraqitem në atë derbi”, ka shtuar 26-vjeçari.
Muriqi ende s’është paraqitur për Lazion.
Në ndeshjet e tetorit ai i mungoi edhe Kosovës për shkak, siç ka thënë ai, se nuk ishte i gatshëm fizikisht, pas një periudhe me lëndime dhe mosstërvitje.
Të ngjashme
Të tjera nga Futboll
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?