Ndahet nga jeta ish-kryetari i Prishtinës Salih Gashi

Vdes kryetari i parë i Prishtinës pas luftës, Salih Gashi

Ka ndërruar jetë ish‑kryetari i Prishtinës, Salih Gashi, përcjell albinfo.ch.

Lajmin për vdekjen e tij e ka bërë të ditur kryetari i Prishtinës, Përparim Rama, i cili ka shprehur ngushëllimet e tij.

Sipas Ramës, Gashi “ishte një nga kontribuuesit e palodhur për rindërtimin dhe konsolidimin institucional të kryeqytetit në një kohë të vështirë për vendin tonë. Me përkushtim, urtësi dhe integritet, ai la gjurmë në shërbimin publik dhe në rrugëtimin e Lidhjes Demokratike të Kosovës. Ngushëllimet më të sinqerta familjes Gashi, miqve, bashkëpunëtorëve, komunitetit akademik dhe gjithë qytetarëve të Prishtinës”, shkroi Rama në Facebook.

---