Tematike
Në Parlamentin Kantonal të Cyrihut, dy mocione kundër ndalimit të Alba Festival-it
Dy mocione i janë paraqitur Parlamentit të Cyrihut në lidhje me tërheqjen e lejes për Festivalin Alba dhe lejimin e manifestimit "Pride", të mbajtur me mbi 20,000 pjesëmarrës
Siç është shkruar tashmë, miratimi i dhënë më parë për festivalin “Alba festival” është tërhequr, përmes një njoftimi të shkurtër, një ditë para mbajtjs. Ndërkohë, një demonstrim me mbi 20,000 pjesëmarrës u lejua të zhvillohej – pa masa detyruese mbrojtëse të koronës. Kjo qasje është përcjellë me kritika në Këshillin Kantonal (parlamentin) të hënën, shkruan topnews.ch.
Kështu, dy mocione të reja i janë paraqitur Këshillit Kantonal të Cyrihut në lidhje me tërheqjen e lejes për Festivalin Alba dhe lejimin e manifestimit “Pride”, të mbajtur me mbi 20,000 pjesëmarrës, transmeton albinfo.ch.
Një mocion nga EDU i kërkon këshillit qeveritar të japë informacione në lidhje me “praktikën e pabarabartë të miratimit” në këto dy raste. Ndërsa një mocion tjetër nga FDP, GLP, AL dhe PS kërkon kryesisht informacion të detajuar nga këshilli qeveritar mbi tërheqjen e lejes për Festivalin Alba. Por ai gjithashtu ngre pyetjen se sa është në përputhje kjo me manifestimin “Pride” që është lejuar dhe tashmë është mbajtur.
AL dhe të Gjelbrit, në një deklaratë të grupit parlamentar kritikojnë anulimin e lejes si një “vendim të pakuptimtë”, veçanërisht në sfondin e tubimit tjetër të madh që u lejua të zhvillohej.
Pothuajse asnjë masë mbrojtëse për tubimin “Pride”
Rreth 20,000 vizitorë priteshin në festivalin kulturor shqiptar Alba-Festival në zonën Hardturm në Cyrih fundjavën e kaluar. Por, pasi këshilli qeveritar tërhoqi miratimin e tij, aktiviteti nuk mundi të zhvillohej.
Qeveria e justifikoi hapin me situatën epidemiologjike, njësitë e kujdesit intensiv të mbingarkuara në spitalet e Cyrihut dheme faktin se shkalla e vaksinimit tek shqiptarët në Zvicër, që ishin publiku kryesor synuar i ngjarjes, është i ulët, transmeton albinfo.ch. Ndërkaq, organizatorët kishin deklaruar se vetëm njerëzit me certifikata të vlefshme Covid do të kishin qasje në festival.
Nga ana tjetër, autoritetet e qytetit dhe të kantonit të Cyrihut nuk kanë shprehur ndonjë shqetësim të tillë ndaj aktivitetit “Pride”, në të cilën mbi 20,000 njerëz demonstruan me moton “PO për martesën për të gjithë” të shtunën pasdite, transmeton albinfo.ch. Këtu nuk kishte detyrim as për maskë. Megjithatë, organizatorët kishin rekomanduar që të viheshin maska.
Të ngjashme
Të tjera nga Tematike
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?