Shqipëria
Në Bibliotekën Kombëtare në Tiranë u dogjën 3308 njësi bibliotekare
Sipas drejtoreshës së Bibliotekës Kombëtare, Persida Asllani, nga zjarri u dogjën 748 njësi bibliotekare nga fondi i gazetave, 273 nga fondi i revistave, 134 nga fondi i librit të huaj, 100 njësi bibliotekare nga fondi i librit në gjuhë të huaj dhe 2053 njësi nga fondi i librit shqip
Zjarri që ka përfshirë një pjesë të Bibliotekës Kombëtare në Tiranë ka marrë “me vete” 3308 njësi bibliotekare, përfshirë këtu gazeta dhe revista nga koha e kaluar, por fatmirësisht kanë shpëtuar ekzemplarët e rëndësishëm arkivor të shtetit. Kështu ka deklaruar drejtoresha e Bibliotekës Kombëtare, Persida Asllani, e cila ka bërë publik bilancin e dëmeve të shkaktuara nga rënia e zjarrit në muaj mars tç këtij viti.
Ajo deklaroi se fondi i vlerave të rralla ka mbetur i paprekur dhe se bëhet fjalë për 3 rafte në total ku qëndronin të depozituara 3.308 njësi bibliotekare me kopje librash, gazetash apo revistash.
“Nuk janë prekur as baza elektronike e të dhënave kombëtare, as mjediset ku ruhet fondi i vlerave të rralla, as arkivi i librit dhe periodikut shqip, çka do të thotë se asnjë prej titujve të dëmtuar nga zjarri në kuptim të përdorimit nuk rrezikon të jetë zhdukur përgjithmonë, pasi falë këtij fondi të veçantë arkivor bëhet i mundur riprodhimi i tyre nëse do të jetë e nevojshme”, tha Asllani.
Sipas saj, rezultojnë të asgjësuara nga zjarri 748 njësi bibliotekare nga fondi i gazetave, 273 nga fondi i koleksioneve të revistave, 134 nga fondi i librit të huaj+fjalor, 100 njësi bibliotekare nga fondi i librit në gjuhë të huaj dhe 2053 njësi nga fondi i librit shqip.
“Në tërësi kemi 3308 njësi bibliotekare”, tha ajo.
Drejtoresha foli për masat e marra për tejkalimin e këtij dëmi siç është evidentimi i demit, evakuimi, përgatitja e listave, restaurimi dhe pasqyrimi në inventarin e bibliotekës. Ajo shtoi se një financim i ndërmarrë nga Ministria e Kulturës, i cili është ende në fazën e implementimit të tij, do të shërbejë për përtëritjen e sistemit kundër zjarrit.
Të tjera nga Shqipëria
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse