Kosova
Në Ditën e çlirimit, përurohet shtatorja e Hasan Prishtinës
Në 20-vjetorin e ditës së çlirimit të qytetit të Vushtrrisë është inauguruar sheshi dhe shtatorja e patriotit Hasan Prishtina në Vushtrri.
Me këtë shtatore, ky i fundit është ‘kthyer’ në vendin e tij, nga ku u tha se do të kujtohet përjetë jeta dhe vepra e tij.
Siç raporton Kosovapress, kryetari i Komunës së Vushtrrisë, Xhafer Tahiri, tha se përulen para atyre të cilët derdhen gjak për lirinë e vendit. Ai po ashtu tha se në këtë përvjetor agoi dielli i lirisë për qytetin historik, të cilin ai e udhëheq tani.
Tahiri u shpreh krenar që në këtë përvjetor përmes inaugurimit të shtatores së Hasan Prishtines, ai po kthehet në vendin e tij të lindjes. Ai shtoi se kjo shtatore duhet të shërbejë si inspirim për vazhdimin e rrugës së tij.
Ambasadori i Shqipërisë në Kosovë, Qemail Minxhozi, tha se Hasan Prishtina ka eshtrat nën dhe, por ai është i gjallë.
Kurse në emër të shoqatave të dala nga lufta, Shaip Hyseni tha se do ta kujtojnë gjithmonë luftën e pjesëtarëve të Ushtrisë Çlirimtare të Kosovës për liri dhe pavarësi të vendit.
Të pranishëm në këtë përvjetor ishin edhe kryetari i Komunës së Skenderajt, Bekim Jashari, kryetari i Komunës së Drenasit, Ramiz Lladrovci, ai i Mitrovicës, Agim Bahtiri, kryetari i VV-së, Albin Kurti dhe shumë përfaqësues politikë e qytetarë të këtij vendi.
Kuvendi Komunal ka ndarë edhe mirënjohje për dëshmorët e rënë.
Ndërkaq, është ndarë edhe çmimi “Pena e artë” për Remzie Zekollin, për kontributin e dhënë në fushën e letërsisë.
Me çmimin “Nderi i Qytetit”, kryetari Tahiri ka dekoruar atdhetarin Ali Jonuzi. Në emër të presidentit janë ndarë dekorata “Hero i Kosovës” për Avni Saraqi, Bahri Kuçi, Bektesh Haliti, Andi Hajrizi, Nezir Ymeri e disa të tjerë.
Të ngjashme
Të tjera nga Kosova
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?