Në Itali rritet sërish numri i viktimave nga koronavirusi

EPA/RICCARDO ANTIMIANI

Në Itali është rritur përsëri të shtunën numri i të vdekurve nga koronavirusi prej 21 prillit, pasi ka regjistruar 474 viktima, për dallim nga 269 një ditë më parë.

Agjencia për Mbrojtje Civile ka raportuar se numri total i të vdekurve ka arritur në 28,710, njëherësh shifra më e madhe e viktimave në Evropë.

Shtetet e Bashkuara kanë numrin më të madh të viktimave në nivel global, mbi 65,000.

Mirëpo, shifrat e rritura mund të përbëjnë lajme pozitive, ka thënë e përditshmja italiane, La Repubblica, pasi 282 vdekje që nuk janë raportuar në muajin prill, janë shtuar në të dhënat e fundit.

Nëse konfirmohet, atëherë shifra ditore e vdekjeve i bie të jetë 192, duke shënuar ditën e parë që numri i viktimave ka rënë nën 200, prej 14 marsit, është thënë në shkrimin e kësaj gazete.

Ky lajm vjen vetëm dy ditë para se Italia të lehtësojë masat e izolimit të vendosura shtatë javë më parë, me qëllim të luftimit të koronavirusit.

Nga 4 maji njerëzit do të lejohen të vizitojnë të afërmit e tyre, ndërkohë që do të hapen edhe parqet dhe fabrikat.