Në Jarinje është e ndaluar hyrja për makinat që bartin artikuj ushqimor

Në pikën kufitare të Jarinjes është e ndaluar hyrja për makinat që bartin artikuj ushqimor apo çfarëdo malli tjetër.

Ushtarët e KFOR-it në këtë pikë kanë ndaluar edhe makinat që bartin barna, ndërsa prapa janë kthyer edhe makinat e mbushura me lëndë djegëse, raportojnë mediat serbe.

Sipas këtyre mediave shoferët kanë thënë se ushtarët amerikan të KFOR-it kanë urdhëruar ndalimin e kalimit të automjeteve me mallra. Aty është lejuar vetëm kalimi i mjeteve të transportit të udhëtarëve pa ngarkesa tjera.

Për dallim nga Jarinja, nuk kishte kontrolle kaq rigoroze në pikën në Bërnjak që kontrollohet nga ushtarët francez, maroken dhe austriak të KFOR-it.Me vetura të vogla është sjellë qumështi dhe buka nga Serbia, raportonjnë mediat serbe.