Lajme

Në New York vijon mësimi online i gjuhës shqipe

Të mësuarit e gjuhës shqipe tashmë po ndodh në kushte të tjera

Edhe në kohë pandemie është bërë e ditur se nxënësit e shkollës shqipe “Children of the Eagle” në New York po vijojnë mësimin e gjuhës shqipe online gjatë pandemisë, transmeton albinfo.ch.

Të mësuarit e gjuhës shqipe tashmë po ndodh në kushte të tjera, shkaku i pandemisë, megjithatë duke plotësuar kështu një nevojë të fëmijëve shqiptarë në Amerikë për të mos e harruar gjuhën e të parëve tanë.

Këtë e ka bërë të ditur për mediat shqiptare mësuesja nga New York-u, Drita Gjongecaj, e cila përshkruan organizimin e procesit mësimor dhe angazhimin e nxënësve për të mësuar gjuhën.

Ajo, po ashtu, tregon se ishte pikërisht dëshira e tyre e mbështetur nga vullneti i stafit të kësaj shkolle që mësimi i gjuhës shqipe t’i përshtatet këtij ritmi tjetër mjaft specifik me privacione e mungesë raportesh sociale, por me mjete e mënyra që bota fëmijnore i dëshiron më shumë se çdo kush tjetër, përcjell tuje albinfo.ch.

Ky është një realitet, i cili po vë në provë dashurinë për atë udhëtim drejt mësimit shqip, të cilin këta nxënës e kanë kaq të dashur. Atyre u mungojnë ato organizime të përjavshme, veprimtaritë e kanceluara, takimet me miqtë dhe mësuesit, por varianti online po funksionon normalisht.

Gjithashtu, ajo tregon se mësimi online filloi me takimet në Zoom për të gjithë fëmijët e Children of the Eagle në të dy qendrat e saj, Bronx dhe Westchester. /Albinfo.ch