Kosova

Në Prishtinë do të mbahet kuizi i diturisë për nxënësit e diasporës

E mërkurë, 17 Korrik 2019 - 21:00 albinfo.ch

Për nder të bashkatdhetarëve, më 28 korrik 2019 në Prishtinë do të mbahet Finalja e Kuizit të Diturisë, përcjell albinfo.ch.

Siç ka njoftuar Ministria e Diasporës, ky aktivitet do të mbahet me nxënës të diasporës, të cilët u shpallën fitues në garat e organizuara në diasporë.

“Qëllimi i kuizit është edukimi për dijen dhe përfitimi i saj nëpërmjet garave didaktike “si lojë”, ku përfshihet edukimi për identitetin në të gjitha shtresat dhe kultivimin e tij si dhe edukimi për dijen dhe përfitimi i saj nëpërmjet garave (si lojë) didaktike”, thuhet në njoftim.

Javë më parë, MDIS në bashkëpunim me mësuesit shqiptarë në diasporë ka mbajtur kuize të diturisë në Itali, Zvicër, Austri etj.