Lajme
Në protestën kundër masave të koronës në Lucern, pati edhe përleshje fizike
Është arrestuar një 54-vjeçar, pjesëmarrës i demonstratës, pasi ka sulmuar fizikisht policët dhe një kundërprotestues që deshi të sulmonte protestuesit
Të shtunën pasdite skeptikët e masave të koronës kanë marshuar nëpër qytetin e Lucernit, në një demonstrim të palejuar nga policia, shkruajnë mediat zvicerane.
Skeptikët dhe kritikët e masave të koronës kishin njoftuar një tubim në Lucern këtë të shtunë. Rreth 400 njerëz i janë përgjigjur thirrjes, duke marshuar nëpër qytet dhe përgjatë liqenit të Lucernit.
Policia e Lucernit kryesisht i ka lejuar demonstruesit të marshonin të qetë. Në një njoftim për shtyp, ajo e ka vlerësuar tubimin kryesisht si paqësor, transmeton albinfo.ch. Gjithashtu policia ka arritur të parandalonte “ndeshjen” e protestuesve me një grup kundërshtarësh të tyre.
Megjithatë, forcave të sigurisë u është dashur të bënin disa ndërhyrje gjatë pasdites. Një person që ishte përpjekur të sulmonte kolonën e protestuesve u arrestua në Bahnhofstrasse të Lucernit. Ai është një zviceran 36-vjeçar.
Po ashtu është arrestuar edhe një 54-vjeçar, pjesëmarrës i demonstratës, transmeton albinfo.ch. Ai ka sulmuar fizikisht policët që po kryenin punën e tyre.
Përveç kësaj, policia ka larguar nga kolona protestuese më shumë se 30 persona.
Qyteti i Lucernit nuk kishte marrë një kërkesë për tubimin, kështu që ajo nuk është lejuar.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?